Obxectivos, competencias e saídas profesionais

Máster Turismo Ourense > Obxectivos, competencias e saídas profesionais

Obxectivos xerais do título:

- Capacitar aos alumnos tanto para a xestión de organismos turísticos, como para o deseño de novos produtos/paquetes turísticos ou para a planificación de proxectos de desenvolvemento turístico, coa súa posterior aplicación e posta en marcha.

- Favorecer o contacto directo co sector turístico..

- Ofrecer unha visión integradora dos distintos subsistemas que configuran o sistema organización/empresa no sector turístico.

- Coñecer e comprender a evolución do turismo.

Obxectivos específicos do título:

- Especializarse no Turismo Interior e de Saúde, aplicando os obxectivos xerais a esta rama do turismo.

Solicita más información

Competencias:

COMPETENCIAS BÁSICAS

CB6 – Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
CB7 – Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidas dentro de contextos máis amplos (ou multidisciplinares) relacionados coa súa área de estudo.
CB8 – Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
CB9 – Que os estudantes saiban comunicar as súas conclusións, e os coñecementos e razóns últimas que as sustentan, a públicos especializados e non especializados dun modo claro e sen ambigüidades.
CB10 – Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida auto dirixido ou autónomo.

COMPETENCIAS XERAIS

CX1 – Analizar e relacionar a dimensión e o carácter dinámico do Turismo e a súa incidencia na Xestión e Dirección.
CX2 – Predicir os potenciais turísticos dun territorio.
CX3 – Utilizar métodos de xestión empresarial que conduzan á innovación e desenvolvemento do negocio.
CX4 – Definir prioridades na consecución de obxectivos.
CX5 – Hipotetizar as novas situacións.
CX6 – Aconsellar estratexias e resolver problemas.
CX7 – Planear nun contexto de responsabilidade social.
CX9 – Aplicar as técnicas de promoción e de mercadotecnia de servizos.
CX10 – Negociar: chegar a acordos.
CX11 – Organizar e liderar equipos.
CX12 – Definir as competencias e habilidades a nivel individual, grupal e organizativo.
CX13 – Promover o coñecemento e desenvolver instrumentos e procedementos que sexan sensibles ao recoñecemento das diferenzas entre mulleres e homes, procedencia e funcionalidade, á vez que potencien o enriquecemento humano dos equipos e das persoas sen diferenciar en canto a xénero, oportunidades e accesibilidade para todos, incluíndo os valores democráticos da sociedade europea actual, o fomento da cultura da paz e a protección ambiental.

COMPETENCIAS ESPECÍFICAS

CE1 – Aplicar instrumentos de planificación.
CE2 – Analizar criticamente a información económico-patrimonial das organizacións turísticas.
CE3 – Aplicar sistemas de calidade e xestión ambiental, económica e social.
CE4 – Explicar o marco legal que regula as actividades turísticas.
CE5 – Diferenciar a importancia das redes nas que a organización se atopa inmersa e usalas para situarse fronte a outras organizacións.
CE6 – Describir as áreas de xestión da administración pública turística.
CE7 – Listar as competencias e funcións das diferentes áreas de xestión.
CE8 – Definir as novas tendencias na creación de produtos turísticos.
CE9 – Describir as políticas públicas que afectan o destino.
CE10 – Citar as técnicas de dirección empresarial.
CE11 – Definir as tendencias e a dinámica dos mercados turísticos.
CE12 – Dirixir, organizar e xestionar medioambientalmente os distintos tipos de entidades turísticas, así como dos seus diferentes departamentos:

Depart. financeiro, Depart. comercial, Depart. persoal…
CE13 – Xestionar o territorio turístico con criterios sustentables.
CE14 – Decidir sobre a aplicación das novas tecnoloxías.
CE15 – Diagnosticar necesidades e oportunidades e identificar as potencialidades e ameazas do destino.
CE16 – Deseñar produtos e priorizar proxectos turísticos.
CE17 – Explicar o destino turístico como sistema.
CE18 – Valorar sistemas de control da evolución da actividade turística.
CE19 – Aplicar técnicas de recollida e análise de datos.
CE20 – Relacionar axentes implicados no desenvolvemento do produto turístico.
CE21 – Construír a imaxe da organización.

¿Cales son as saídas profesionais ás que accedo con esta formación superior?

A través deste master o alumno adquirirá coñecementos vinculados co turismo desde ámbitos como a xestión, planificación ou mercadotecnia, ata temas máis específicos ligados á especialidade do master, Turismo Interior e Turismo de Saúde. É por iso que os alumnos que finalizan esta titulación están preparados para traballar nos seguintes campos:

Dirección de empresas e actividades turísticas (especialidade Turismo Interior e de Saúde).
Planificación e xestión de destinos turísticos en institucións públicas e privadas.
Planificación e xestión de proxectos de aproveitamento de recursos turísticos.
Formación e asesoramento no campo turístico.
Emprendemento de actividades turísticas.
Investigación de mercados turísticos.

Solicita máis información